ចូរយកចិត្តទុកដាក់នឹងអោយតំលៃអ្វីដែលនៅជិតខ្លួន

មនុស្សស្រីម្នាក់ដែលធ្លាប់តែស្រលាញ់អ្នកខ្លាំងបំផុត តែថ្ងៃមួយនាងក៏ដើរចេញពីជីវិតអ្នក ចូរកុំសួរនាងថា ហេតុអី? តែអ្នកគួរសួរខ្លួនឯងថាបានធ្វើអីខ្លះចំពោះនាង។
នៅពេលដែលនាងសម្រេចចិត្តថានឹងចាកចេញពីអ្នក ពេលនោះហើយគឺជាពេលដែលនាងអស់ចិត្ត បើទោះបីជានាងចាកចេញទៅទាំងចិត្តនៅស្រលាញ់ក៏ដោយ តែមិនយូរទេការស្រលាញ់នឹងបាត់បង់ទៅតាមពេលវេលា ហើយបើសិននាងអស់ចិត្តស្រលាញ់ហើយ ៖
•នាងនឹងមិនខ្វល់...ឡើយថា អ្នកធ្វើអី,គិតអី...
•នាងនឹងមិនខ្វល់ឡើយថា អ្នកនៅឯណា ជាមួយនរណា
•នាងនឹងមិនខ្វល់ឡើយថា អ្នកញ្ញុំបាយអត់
•នាងនឹងមិនខ្វល់ឡើយថា អ្នកឈឺឬជា
•នាងនឹងមិនខ្វល់នឹងអ្នកទៀតឡើយ
•នាងនឹងមិនប្រច័ណ្ឌទោះអ្នកមានអ្នកណា
•នាងនឹងមិនចូលមើល Profile Facebook, Instagram…អ្នកទៀត
•នាងនឹងលែងចង់ដឹងចង់លឺពីអ្វីដែលពាក់ព័ន្ធនឹងអ្នក
ហើយថ្ងៃមួយនាងនឹងបានជួបមនុស្សប្រុសដែលមិនដូចអ្នក ដែលល្អជាងអ្នក
ពេលនោះអ្នកនឹងមានតែពាក្យថា ស្តាយក្រោយ ហើយចង់អោយនាងត្រលប់វិញ តែកុំសង្ឃឹមថាពាក្យសុំទោសលាយឡំនឹងទឹកភ្នែករបស់អ្នកអាចឲ្យនាងចិត្តទន់ត្រឡប់ក្រោយឲ្យសោះ ព្រោះនាងទ្រាំនឹងអ្នកឆ្អែតហើយទើបសម្រេចចិត្តចាកចេញ។ ដូច្នេះបើអ្នកស្រលាញ់នាងត្រូវស្រលាញ់នៅពេលដែលនាងនៅ កុំមកដឹងខ្លួនថាខ្វះនាងមិនបាននៅពេលដែលនាងចេញទៅ។

ចូរយកចិត្តទុកដាក់នឹងអោយតំលៃអ្វីដែលនៅជិតខ្លួន កំុចាំអោយបាត់បង់ទើបមានអារម្មណ៍